28 de xan. de 2011

Diaspora* o antiFacebook (ACTUALIZADO)


Quérovos falar dunha nova rede social, descentralizada, na que cada usuario é sempre dono dos seus datos.
Diaspora naceu como un conxunto de redes, no que cada un pode montar a súa propia, xa que todas se basean no mesmo código, pero no que te podes conectar con xente de calquera outra, explícovos:
A rede ten distintas vaíñas (pods) e cada unha é independente, funcionando como os distintos clientes de correo como Gmail, Hotmail, Yahoo, etc.

Eu mesmo estou involucrado neste proxecto, xa que me ofrecín para axudar nas traduccións ao galego.
É de supoñer que na próxima actualización do código xa estea dispoñible a versión en galego.

A rede aínda está en fase alpha, polo que se a queredes probar tedes que saber que terá moitos erros.

A vaíña principal é https://joindiaspora.com/, e só se pode entrar con invitación, pero se queredes probala aconséllovos que vos rexistredes en http://diasp.es/

Se despois de probala non vos interesa só tedes que clickar en baixar fotos, borrar conta e ninguén será dono dos vosos datos nunca máis.

ACTUALIZADO
Dende hoxe pola mañá xa temos Diaspora dispoñible en galego.
Debido á ambigüidade dalgunhas palabras en inglés a traducción ten algúns fallos que se irán solventando pouco a pouco.
Se queredes unha invitación só tedes que pedirma, pero apurade, que só me quedan catro.


antonpm@joindiaspora.com

6 comentarios:

  1. Paréceme moi interesante, grazas Antón. Eu xa oira falar sobre o roubo de datos na rede e era un tema que non me facía moita graza.

    ResponderEliminar
  2. Dende logo esta xenial poder utilizar outras opcións o tuenti o facebook, eu queria comentar que, dende fai pouco tempo, saiu unha rede social totalmente en galego chamada CROIO, unha opción interesante para a xente que queira falar en galego con outra xente.

    ResponderEliminar
  3. Paréceme moi interesante que se creen novas redes sociais,dese modo,a xente pode usar a que lle guste máis,aínda así non debe de ser fácil competir con facebook o tuenti,xa que teñen moitos millóns de usuarios.
    Luis Ogea Borbón 1BC-2

    ResponderEliminar
  4. Paréceme moi interesante esta idea , así hai máis donde escoller. Aparte esta nova rede parece moito máis segura non como nas outras que os datos están a disposición de quen queira.

    ResponderEliminar
  5. Paréceme ben que nesta nova "gran rede" o usuario poida ser sempre dono dos seus datos, e que ao borrar a conta estes desaparezan. Aínda que eu opino que as redes sociais as veces, nos teñen un tanto "atrapados" nelas, quizais, "adictos", e iso é un problema, xa que gañamos o mellor mais vida social, pero á vez perdemos tempo que poderíamos empregar en facer outras cousas ó mellor mais productivas. Por iso creo que deberíamos facer un uso moderado de este tipo de redes sociais.

    MªSoledad Muiño Lema 1ºBC2

    ResponderEliminar
  6. Paréceme ben que exista esta red social, pero a súa vez penso que non tendrá gran aceptación coma o facebook ou o tuenti, xa que si saes a rúa e preguntas por Diaspora* non terán nin a máis minima idea.


    Paula Manteiga 1BH2

    ResponderEliminar